დონალდ ტრამპი - ბიბი ნეთანიაჰუსთან ძალიან ნაყოფიერი საუბარი მქონდა და ბეირუთში ჯარისკაცები არ შევლენ, საუბარი მქონდა „ჰეზბოლასთანაც“, ისინი ისრაელს არ დაესხმებიან თავს
ბენიამინ ნეთანიაჰუსთან ძალიან ნაყოფიერი საუბარი მქონდა და ბეირუთში ჯარისკაცები არ შევლენ, - ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.
„ისრაელის პრემიერ-მინისტრ ბიბი ნეთანიაჰუსთან ძალიან ნაყოფიერი საუბარი მქონდა და ბეირუთში ჯარისკაცები არ შევლენ, ხოლო ის ჯარისკაცები, რომლებიც გზაში იყვნენ, უკვე უკან გაბრუნდნენ“, - წერს ტრამპი Truth Social-ზე.
ტრამპის ცნობით, „ჰეზბოლასაც“ ესაუბრა.
„ასევე, მაღალი რანგის წარმომადგენლების მეშვეობით ძალიან კარგი სატელეფონო საუბარი მქონდა „ჰეზბოლასთან“ და ისინი დათანხმდნენ, რომ ყოველგვარი სროლა შეწყდება - ისრაელი მათ თავს არ დაესხმება, ისინი კი ისრაელს არ დაესხმებიან თავს“, - აცხადებს ტრამპი.
