არსებული ინფორმაციით, ფილარმონიასთან, ,,შაბათის მარშის” დაწყებამდე მოქალაქესა და აქციის მონაწილეებს შორის ინციდენტი მოხდა.

კერძოდ, როგორც ადგილზე მყოფი აქციის სხვა მონაწილეები აცხადებენ, აქტივისტებს ლევან ზაზაძესა და თამუნა გიორგაძეს, უცნობი პირი დაესხა თავს.

მომხდართან დაკავშირებით, შსს-მ გამოძიება დაიწყო.

ინციდენტში მონაწილე სამივე პირი შსს-მ განყოფილებაში გადაიყვანა. განყოფილებიდან აქტივისტები მალევე გამოუშვეს და მათ მოგვიანებით გამოკითხავენ.

შსს-ს ცნობით, ფაქტთან დაკავშირებით გამოძიება სსკ-ის 126-ე მუხლით დაიწყო, რაც ძალადობას გულისხმობს.

ფოტო: Mo Se