სომხეთის ქალაქ გიუმრიში დღეს დილიდან ჩხრეკა და დაპატიმრებები მიმდინარეობს, - ინფორმაციას სომხური მედია ავრცელებს.

მათივე ინფორმაციით, ჩხრეკა დილის 5:00 საათზე დაიწყო ბლოკ „სომხეთის“ შტაბ-ბინაში და დეპუტატობის კანდიდატი ჰასმიკ საჰრადიანი დააკავეს.

გავრცელებული ინფორმაციით, ეროვნული უსაფრთხოების სამსახური დღეს დილიდან ჩხრეკას ატარებს ადამიანის უფლებათა დამცველ კარაპეტ პოღოსიანის ბინაშიც.

ჩხრეკა ასევე მიმდინარეობს „ძლიერი სომხეთის“ შტაბ-ბინაში.

არიან დაკავებულები, დეტალები ამჟამად უცნობია.