სომხეთის ცენტრალურმა საარჩევნო კომისიამ ბიულეტენების 4.11%-ის დამუშავების შემდეგ, გამოაქვეყნა 216 საარჩევნო უბნის შედეგები.

ამ შედეგების მიხედვით, მოქმედი მმართველი პარტია „სამოქალაქო კონტრაქტი“ ლიდერობს 55.22%-ით (32,923 ხმა).

მეორე ადგილზეა ბლოკი „ძლიერი სომხეთი“ - 22.02%-ით (13,134 ხმა).

მესამე ადგილზეა, ბლოკი „სომხეთი“ 8.36%-ით (4,985 ხმა).

მეოთხე ადგილზეა პარტია „აყვავებული სომხეთი“ 5.75%-ით (3,432 ხმა).

მეხუთე ადგილზე მყოფ პარტიას „ერთიანობის ფრთები“ ამჟამად 2.28%-ით (1,358 ხმა).

ინფორმაციისთვის, ბლოკ "ძლიერ სომხეთს" მხარს უჭერს რუსი-სომეხი მილიარდერი სამველ კარაპეტიანი; ბლოკ „სომხეთს“ ყოფილი პრეზიდენტი რობერტ კოჩარიანი ხელმძღვანელობს, პარტია „აყვავებულ სომხეთს“ კი ბიზნესმენი გაგიკ ცარუკიანი.

პარლამენტში მოსახვედრად საარჩევნო ბარიერი პარტიებისთვის 4%-ია, ხოლო პარტიული ბლოკებისთვის - 8%.