სომხეთის მოქმედი პრემიერ-მინისტრი, ნიკოლ ფაშინიანი პარტია "სამოქალაქო კონტრაქტის" ოფისში მივიდა.

მას ადგილზე მხარდამჭერები ოვაციებით და ტაშით შეხვდნენ.

რამდენიმე წუთში დაიწყება მისი პრესკონფერენცია.

შეგახსენებთ, სომხეთის ცენტრალურმა საარჩევნო კომისიამ 01:45 საათზე გამოაქვეყნა 355 საარჩევნო უბნის შედეგები, ბიულეტენების 7.96%-ის დამუშავების შემდეგ.

ამ მონაცემების მიხედვით, მმართველი პარტია „სამოქალაქო კონტრაქტი“ ლიდერობს 54.7%-ით (63,264 ხმა).

მეორე ადგილზეა პარტიების ბლოკი „ძლიერი სომხეთი“, რომელმაც 21.66% (25,052) მიიღო.

ბლოკი "სომხეთი" მესამე ადგილზეა 8.89%-ით (10,278).

მეოთხე ადგილზეა „აყვავებული სომხეთის“ პარტია, რომელმაც 5.22% (6,038) მიიღო.

მეხუთე ადგილზე მყოფ „ერთიანობის ფრთების“ პარტიას ამ დროისთვის 2.38% (2,757) აქვს.

პარლამენტში მოსახვედრად საარჩევნო ბარიერი პარტიებისთვის 4%-ია, ხოლო პარტიული ბლოკებისთვის - 8%.