სომხეთის საარჩევნო კომისიის წინასწარი კენჭისყრის შედეგების მიხედვით, რომლებიც საზოგადოებრივი ტელევიზიით გადაიცა, ამ დროისთვის, სომხეთის მმართველი პარტია „სამოქალაქო კონტრაქტი“ საპარლამენტო არჩევნებში ხმების 54.44%-ით ლიდერობს.

სომხეთის საარჩევნო უბნების დაახლოებით 16%-ის წინასწარი მონაცემებით, მეორე ადგილზე ალიანსი „ძლიერი სომხეთი“ გავიდა ხმების დაახლოებით 22%-ით.

მესამე ადგილზე ბლოკი „სომხეთია" 8.8%-ით, ხოლო პარტია „აყვავებული სომხეთი“ მეოთხე ადგილზე დაახლოებით 5%-ით.

საპარლამენტო არჩევნებზე ამომრჩეველთა აქტივობამ თითქმის 59% შეადგინა. ცენტრალური საარჩევნო კომისია, ოფიციალურ წინასწარ შედეგებს სავარაუდოდ, ორშაბათს გამოაცხადებს.

ინფორმაციისთვის, ბლოკ "ძლიერ სომხეთს" მხარს უჭერს რუსი-სომეხი მილიარდერი სამველ კარაპეტიანი; ბლოკ „სომხეთს“ ყოფილი პრეზიდენტი რობერტ კოჩარიანი ხელმძღვანელობს, პარტია „აყვავებულ სომხეთს“ კი ბიზნესმენი გაგიკ ცარუკიანი.

პარლამენტში მოსახვედრად საარჩევნო ბარიერი პარტიებისთვის 4%-ია, ხოლო პარტიული ბლოკებისთვის - 8%.