სომხეთის ცენტრალურმა საარჩევნო კომისიამ დილის 6:30 საათის მონაცემებით ხმების 55.95%-ის დათვლის შედეგები გამოაქვეყნა, რომლის თანახმადაც, მმართველი პარტია „სამოქალაქო კონტრაქტი“ საპარლამენტო არჩევნებში 50.86%-ით ლიდერობს, - ინფორმაციას სომხური მედია ავრცელებს.

ამავე შედეგების თანახმად, მეორე ადგილზეა პარტიების ბლოკი „ძლიერი სომხეთი“ 23.19%-ით.

მესამე ადგილზეა ბლოკი „სომხეთი“ 9.6%-ით. შედეგებით მეოთხეა პარტია „აყვავებული სომხეთი“ 4.1%-ით.

მეხუთე ადგილზე მყოფმა პარტიამ - „ერთობის ფრთები“- არჩევნებში ხმების 2.3%-ი მოიპოვა.