აშშ-ის პრეზიდენტის დონალდ ტრამპის განცხადებით, აშშ-ის რეაქცია ირანის მიერ ამერიკული ვერტმფრენის ჩამოგდებაზე ძალიან ძლიერია.

„ვფიქრობ, ძალიან მნიშვნელოვანია რეაგირება. მათ ვერტმფრენი ჩამოაგდეს და ვრეაგირებთ. ეს არის პასუხი იმაზე, რაც მათ გააკეთეს, რაც გააკეთეს ჩვენი ვერტმფრენის წინააღმდეგ წუხელ და მე მჯერა, რომ პასუხი ძალიან ძლიერი, ძალიან მტკიცე უნდა იყოს და სწორედ ასეც არის“, - განუცხადა ტრამპმა ABC-ის.

მანამდე ტრამპმა Truth Social-ში დაწერა, რომ ვერტმფრენის ორი პილოტი უვნებელი დარჩა.

„მიუხედავად ამისა, შეერთებულმა შტატებმა, აუცილებლობის შემთხვევაში, უნდა უპასუხოს ამ თავდასხმას“, - აღნიშნა ტრამპმა.