რუსეთის სამარის ოლქში ნავთობგადამამუშავებელ ქარხანაზე თავდასხმა განხორციელდა, - ინფორმაციას უკრაინული მედია „ტელეგრამ“ არხებზე დაყრდნობით ავრცელებს.

რუსული „ტელეგრამ“ არხების ცნობით, თავდასხმის შემდეგ სამარაში მდებარე კუიბიშევის ნავთობგადამამუშავებელი ქარხნის ტერიტორიაზე ხანძარი გაჩნდა.

მანამდე სამარის ოლქის გუბერნატორმა სარაკეტო საფრთხის შესახებ გამოაცხადა, ხოლო ადგილობრივებმა განაცხადეს, რომ ოლქში აფეთქებების ხმა ისმოდა.

ასევე, უკრაინული მედიის ინფორმაციით, სარაკეტო თავდასხმა განხორციელდა რუსეთის ჩუვაშეთის რესპუბლიკის ქალაქ ჩებოქსარში მდებარე სამხედრო ქარხანაზე.

ჩუვაშეთის რესპუბლიკის გუბერნატორმა, ოლეგ ნიკოლაევმა განაცხადა, რომ „ვნიირ-პროგრესის“ ქარხანას ხანძარი გაუჩნდა.