10 ივნისს საქართველოს სახალხო დამცველმა ლევან იოსელიანმა №6 პატიმრობისა და განსაკუთრებული რისკის თავისუფლების აღკვეთის პენიტენციური დაწესებულება მოინახულა. ამის შესახებ ინფორმაციას სახალხო დამცველის აპარატი ავრცელებს.

როგორც გავრცელებულ ინფორმაციაშია ნათქვამი, იოსელიანმა პატიმრობაში მყოფი ალეკო ელისაშვილიც მოინახულა.

„სახალხო დამცველი შეხვდა დაწესებულების ადმინისტრაციას; განსაკუთრებული ყურადღება გაამახვილა დაწესებულებაში პატიმართა უფლებების დაცვის უზრუნველყოფის საკითხებზე; გაესაუბრა და გაეცნო პატიმართა საცხოვრებელ პირობებს და მათ შორის, მოინახულა დაწესებულებაში მყოფი პატიმარი ალექსანდრე ელისაშვილი.

საქართველოს სახალხო დამცველი პენიტენციური დაწესებულებების მონიტორინგს და პატიმართა უფლებებზე ზედამხედველობას რეგულარულად ახორციელებს, რათა უზრუნველყოფილი იყოს პატიმართა უფლებების დაცვა და არსებული გამოწვევების დროული გამოვლენა”, - ნათქვამია ინფორმაციაში.