ქსელის გეგმური სარეაბილიტაციო სამუშაოების გამო, „ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება.

ამის შესახებ ინფორმაციას „ენერგო-პრო ჯორჯია“ ავრცელებს.

„გამანაწილებელ ქსელში დაგეგმილი სარეაბილიტაციო სამუშაოების გამო, 11 ივნისს 10:00-იდან 19:00 საათამდე დენი გაეთიშებათ აბონენტებს დუშეთის მუნიციპალიტეტის სოფელ ჭოპორტში, 11:00-იდან 15:00 საათამდე - სოფლებში ოძისი, ბაქაქურები, ჭაშა, მჭადიჯვარი, ასევე ახალგორის რაიონის სოფლებში ახმაჯი, ნაგომევი, ხარბალი. 15:50-იდან 20:00 საათამდე - სოფლებში ბიჩნიგაურები, ქვემო არანისი, არანისი, ჟინვალი, იორი, უნდილაანთკარი, ეთვალისი, მღვიმე, არაგვისპირი.

11:00-იდან 19:00 საათამდე ელექტროენერგიის მიწოდება დროებით შეეზღუდებათ მომხარებლებს თიანეთის მუნიციპალიტეტის სოფლებში ტუშურები, ზარიძეები, იარაჯულები, ჯიჯეთი, წიკვლიაანთკარი, ჯერვალიძეები და მიმდებარე სოფლებში. 11:00-იდან 15:00 საათამდე - აბონენტებს დაბა თიანეთში, სოფლებში ჟებოტა, ზარიძეები, ახალსოფელი, ქვემო არტანი, მამადაანები, ლიშო და მიმდებარე სოფლებში.

სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება”, - ნათქვამია ინფორმაციაში.