ემანუელ მაკრონმა ვოლოდიმირ ზელენსკი “დიდი შვიდეულის” სამიტზე დაპატიჟა, რომელიც საფრანგეთში გაიმართება.

ამის შესახებ ინფორმაციას ფრანგული გამოცემა Le Monde საფრანგეთის პრეზიდენტის, ემანუელ მაკრონის განცხადებაზე დაყრდნობით ავრცელებს.

მაკრონის თქმით, მან უკრაინელი კოლეგა, ვოლოდიმირ ზელენსკი “დიდი შვიდეულის” სამიტზე დაპატიჟა, რომელიც შემდეგ კვირას საფრანგეთში გაიმართება, რათა “კონსენსუსი აღადგინოს” უკრაინის მხარდაჭერასთან დაკავშირებით.

მან, ასევე, ოთხი არაბული ქვეყნის (ეგვიპტე, საუდის არაბეთი, კატარი და არაბთა გაერთიანებული საამიროები) ლიდერები მიიწვია ახლო აღმოსავლეთში მიმდინარე კონფლიქტის განსახილველად.

ცნობისთვის, “დიდი შვიდეულის” სამიტი 15-17 ივნისს ფრანგულ საკურორტო ქალაქ ევიანში გაიმართება.