აშშ-მა ომანის ყურეში კიდევ ერთ ნავთობტანკერს დაარტყა, - ინფორმაციას Sky News-ი აშშ-ის ცენტრალურ სარდლობაზე დაყრდნობით ავრცელებს.

„აშშ-ის შეიარაღებული ძალების თვითმფრინავმა გემის ძრავის განყოფილებას Hellfire ტიპის რაკეტებით დაარტყა, მას შემდეგ, რაც ეკიპაჟი ამერიკული სამხედრო ძალების მითითებებს არ დაემორჩილა“, - აცხადებს აშშ-ის ცენტრალური სარდლობა.

აშშ-ის ცენტრალური სარდლობის ცნობით, გვინეა-ბისაუს დროშის ქვეშ მცურავ ნავთობტანკერ MT Jalveer-ს ირანული ნავთობი გადაჰქონდა და საზღვაო ბლოკადა დაარღვია.

ცნობისთვის, ეს მესამე ნავთობტანკერია, რომელსაც აშშ-მა მიმდინარე კვირაში დაარტყა. აშშ-ის სამხედრო ძალების მიერ სამშაბათს პალაუს დროშის ქვეშ მცურავ ნავთობტანკერ MT Settebello-ზე დარტყმას სამი ინდოელი მეზღვაური ემსხვერპლა.