ბათუმში გასროლის შედეგად ორი ადამიანი მსუბუქად დაშავდა. შემთხვევა ახალ ბულვარში მოხდა.

არსებული ინფორმაციით, გასროლა ნასვამ მდგომარეობაში მყოფმა, შუა ხნის მამაკაცმა განახორციელა.

როგორც საქართველოს შინაგან საქმეთა სამინისტროში “ინტერპრესნიუსს” განუცხადეს, მომხდართან დაკავშირებით ერთი პირი ადგილზევე დააკავეს. ფაქტზე გამოძიება მიმდინარეობს. ტერიტორია ყვითელი ლენტითაა შემოსაზღვრული.