2031 წლიდან შუა დერეფანში ტვირთნაკადი საგრძნობლად მოიმატებს და მნიშვნელოვანია, რომ ყველა ქვეყანა მზად დახვდეს აღნიშნულ ინიციატივას, - ამის შესახებ ეკონომიკისა და მდგრადი განვითარების მინისტრმა, მარიამ ქვრივიშვილმა ყირგიზეთში ვიზიტის შეჯამებისას განაცხადა.

მინისტრის განმარტებით, ამ კონტექსტში მნიშვნელოვანია ანაკლიის ღრმაწყლოვანი პორტის განვითარება, სადაც, „ამ დროისათვის აქტიური სამშენებლო პროცესი მიმდინარეობს“.

„მშენებლობის ფარგლებში ჩვენ უკვე ვახორციელებთ დაღრმავებისა და ტალღმჭრელის ინფრასტრუქტურის მოწყობას, რაც არის უმნიშვნელოვანესი და ვიტყოდი, ფუნდამენტური ინფრასტრუქტურა იმისთვის, რომ დათქმულ ვადებში უზრუნველვყოთ ანაკლიის პორტის ოპერირებაში გაშვება“, - განაცხადა მინისტრმა.