აშშ-ის ცენტრალური სარდლობის განცხადებით, ჰორმუზის სრუტეში ირანის მიერ გაშვებული დრონები ჩამოაგდეს.

აშშ-ის ცენტრალური სარდლობის (CENTCOM) ცნობით, ირანული დრონების სამიზნე ჰორმუზის სრუტეში მცურავი კომერციული გემები იყო.

„ირანმა ჰორმუზის სრუტეში მოძრავ კომერციულ გემებზე დარტყმის მიზნით რამდენიმე დრონი გაუშვა. აშშ-ის სამხედრო ძალებმა ბოლო რამდენიმე საათის განმავლობაში ყველა მათგანი ჩამოაგდეს, რის გამოც სრუტეში გემების მოძრაობა შეუფერხებლად გრძელდება“, - წერს აშშ-ის ცენტრალური სარდლობა X-ზე.

CENTCOM-ის თქმით, „საერთაშორისო სავაჭრო დერეფანი ტრანზიტისთვის ღია რჩება“.