უკრაინის უპილოტო სისტემების ძალებმა ზაპოროჟიეს ოლქში რუსების პოლიგონს დაარტყეს, - ინფორმაციას უკრაინული მედია უპილოტო სისტემების ძალების მეთაურზე, მაიორ რობერტ „მადიარ“ ბროვდიზე დაყრდნობით ავრცელებს.

„მადიარის“ ცნობით, 12 ივნისის ღამეს დრონებით დარტყმა რუსების დროებითი დილოკაციის ადგილზე, ზაპოროჟიეს ოლქის ნოვოპეტროვკაში მდებარე პოლიგონზე განხორციელდა.

მისი თქმით, „ვოსტოჩნის“ პოლიგონზე წვრთნებს რუსეთის კამჩატკის მე-40 ბრიგადა, რუსეთის ტერიტორიული ჯარების ბურიატების პოლკი და პრიმორსკიდან ახალწვეულები გადიან.

ასევე, სამიზნეებს შორის იყო Tor-M2 ტიპის საზენიტო-სარაკეტო სისტემა, ZU-23 ტიპის საზენიტო-დანადგარი და რუსების ცოცხალი ძალა.