შვედურმა გამანადგურებლებმა ბალტიის ზღვის თავზე რუსულ თვითმფრინავებს გზა გადაუჭრეს, - ინფორმაციას შვედეთის შეიარაღებული ძალები ავრცელებს.

შვედეთის შეიარაღებული ძალების ცნობით, ორი ინციდენტი დაფიქსირდა, რის გამოც JAS 39 Gripen-ის ტიპის გამანადგურებლების აფრენა ორჯერ გახდა საჭირო.

„ორი რუსული გამანადგურებელი „სუ-24“ და „სუ-34“ დაფიქსირდა“, - ნათქვამია შვედეთის შეიარაღებული ძალების განცხადებაში.

განცხადებაში აღნიშნულია, რომ შვედეთის საჰაერო სივრცე არ დარღვეულა.