პაკისტანის პრემიერ-მინისტრის განცხადებით, აშშ-სა და ირანს შორის სამშვიდობო შეთანხმების გაფორმება მომდევნო 24 საათშია მოსალოდნელი.

„ჩვენ სამშვიდობო შეთანხმებასთან იმაზე ახლოს ვართ, ვიდრე ოდესმე. საბოლოო შეთანხმება, სავარაუდოდ, მომდევნო 24 საათშია მოსალოდნელი, პაკისტანი ამის შემდეგ მაშინვე, სამშვიდობო შეთანხმების ელექტრონული ხელმოწერისთვის ემზადება, რასაც მომავალ კვირას ტექნიკურ დონეზე მოლაპარაკებები მოჰყვება“, - წერს პაკისტანის პრემიერ-მინისტრი შეჰბაზ შარიფი X-ზე.

შეჰბაზ შარიფმა აშშ-ს, ირანსა და რეგიონის ქვეყნებს მადლობა გადაუხადა.

„დარწმუნებულები ვართ, რომ ეს ისტორიული სამშვიდობო შეთანხმება ხანგრძლივი მშვიდობისთვის მყარ საფუძველს შექმნის“, - აცხადებს პაკისტანის პრემიერ-მინისტრი.