ისრაელის თავდაცვის მინისტრის ისრაელ კაცის განცხადებით, ისრაელის ძალები აშშ-ირანის ცეცხლის შეწყვეტის შეთანხმების ფარგლებში სამხრეთ ლიბანიდან არ გავლენ და რომ ეს პოზიცია პრეზიდენტ დონალდ ტრამპს გადაეცა.

„ისრაელი ეწინააღმდეგება ისრაელის თავდაცვის ძალების ლიბანიდან ნებისმიერ გაყვანას, არსებული და მოსალოდნელი ზეწოლის მიუხედავად“, - განაცხადა კაცმა.

მისი მტკიცებით, ისრაელის პოლიტიკაა განუსაზღვრელი ვადით შეინარჩუნოს სამხედრო ყოფნა ლიბანში, სირიასა და ღაზაში „უსაფრთხოების ზონებში, იმისათვის, რომ დაიცვას ისრაელის საზღვრები და თემები ჯიჰადისტური ელემენტებისგან“.

ისრაელის თავდაცვის მინისტრის განცხადებით, ამ ტერიტორიის შენარჩუნება და ასეთი ზონების შენარჩუნება 2023 წლის 7 ოქტომბრის მოვლენების „ცენტრალურ გაკვეთილია“.

ისრაელ კაცის თქმით, პრემიერ-მინისტრმა ბენიამინ ნეთანიაჰუმ ისრაელის პოზიცია პირდაპირ აცნობა დონალდ ტრამპს.

„ჩვენ არ დავთმობთ ისრაელის უზენაეს უსაფრთხოების ინტერესებს ან ჩვენი მოქალაქეების დაცვას და არ გავალთ უსაფრთხოების ზონებიდან. თუ ირანი თავს დაესხმება ისრაელს ლიბანში განვითარებული მოვლენების გამო, ჩვენ სრული ძალით დავარტყამთ და ნათლად ვაჩვენებთ ძალთა უთანასწორობას“, - აღნიშნა ისრაელის თავდაცვის უწყების ხელმძღვანელმა.