საქართველოს ადვოკატთა ასოციაციის თავმჯდომარემ, ირაკლი ყანდაშვილმა ბულგარეთის ელჩს საქართველოში, ვესელინ ვალკანოვის უმასპინძლა. ინფორმაციას ადვოკატთა ასოციაცია ავრცელებს.

მათივე ცნობით, სამუშაო შეხვედრაზე, ელჩმა ირაკლი ყანდაშვილს ასოციაციის თავმჯდომარედ არჩევა მიულოცა და საქმიანობაში წარმატება უსურვა.

ელჩმა ასევე ხაზი გაუსვა ადვოკატის პროფესიის როლს ქვეყანაში სანდო და ეფექტიანი მართლმსაჯულების სისტემის ფუნქციონირებაში.

„ირაკლი ყანდაშვილმა ბულგარეთის ელჩს საქართველოს ადვოკატთა ასოციაციის ორგანიზაციული სტრუქტურა, ძირითადი მიმართულებები და საქმიანობის სპეციფიკა გააცნო.

შეხვედრაზე მხარეები ორი ქვეყნის ადვოკატთა ასოციაციებს შორის სამომავლო, მჭიდრო თანამშრომლობაზე შეთანხმდნენ, რომელიც ერთობლივ კონფერენციებს, ტრენინგებსა და პროფესიული გამოცდილების გაზიარებას ითვალისწინებს,“ - აღნიშნულია ინფორმაციაში.