რელიგიის საკითხთა სახელმწიფო სააგენტო მუსლიმებს ჰიჯრას დღესასწაულს ულოცავს.

როგორც გავრცელებულ ინფორმაციაშია ნათქვამი, ჰიჯრა, მთავრის კალენდრის მიხედვით, მუსლიმურ სამყაროში წელთაღრიცხვის დასაწყისად ითვლება.

„დღეს, მუსლიმები აღნიშნავენ წინასწარმეტყველ მუჰამედის მექიდან მედინაში (იასრიბი) გადასახლებას - ჰიჯრას (622 წელი), მას შემდეგ, რაც მუჰამედმა დაკარგა თავისი ტომის მფარველობა და მის სიცოცხლეს საფრთხე შეექმნა.

ჰიჯრამ გადამწყვეტი როლი შეასრულა ისლამის ფორმირებისა და გავრცელების, ახლად აღმოცენებული ცენტრალიზებული სახელმწიფოს იდეოლოგიად გადაქცევის საქმეში.

რელიგიის საკითხთა სახელმწიფო სააგენტო ულოცავს მუსლიმებს ამ დღესასწაულს და უსურვებს წარმატებებს“,- აღნიშნულია ინფორმაციაში.