ირანის უზენაესი ლიდერის განცხადებით, ის განსხვავებული აზრის მიუხედავად აშშ-სთან შეთანხმებას დაეთანხმა. ირანის უზენაესი ლიდერის, მოჯთაბა ხამენეის განცხადებას ირანის სახელმწიფო მედია ავრცელებს.

მისი თქმით, ის თავდაპირველად არ დაეთანხმა აშშ-სთან “ურთიერთგაგების მემორანდუმს”, თუმცა ირანის პრეზიდენტის, მასუდ პეზეშკიანის გარანტიების შემდეგ მისი გაფორმების ნება დართო.

“პრინციპულად, მე განსხვავებული აზრი მქონდა: თუმცა, იმ ვალდებულებების გამო, რომელიც პატივცემულმა [ირანის] პრეზიდენტმა, როგორც უმაღლესი ეროვნული უშიშროების საბჭოს ხელმძღვანელმა, საკუთარი და სხვა წევრების სახელით მომცა ირანელი ერისა და წინააღმდეგობის ფრონტის უფლებების დაცვის შესახებ და ამ პასუხისმგებლობის ცალსახად აღიარების გამო, მე ნებართვა მივეცი”, - ნათქვამია განცხადებაში.