ამ რეზოლუციას აქვს რასა იუკნევიჩიენეს ფასი - ამ ტექსტში ამოვიკითხავთ ისევ იმ დესტრუქციას, ისევ მბრძანებლურ ტონს, ორმაგ სტანდარტს, სრულიად აბსურდულ, სიცრუეზე დაფუძნებულ გამოგონილ ფაქტებს და აღქმებზე დაფუძნებულ ტყუილებს, - ამის შესახებ საპარლამენტო უმრავლესობის ლიდერმა, ირაკლი კირცხალიამ ჟურნალისტებთან ევროპარლამენტის რეზოლუციაზე საუბრისას განაცხადა.

მისი შეფასებით, “სააკაშვილის პარტიის დე ფაქტო წევრი და წევრები მერამდენე რეზოლუციას დააინიცირებენ და განცხადებას გააკეთებენ, ამას მმართველი გუნდისთვის რასა იუკნევიჩიანეს ფასი აქვს”.

“ამ რეზოლუციას აქვს რასა იუკნევიჩიენეს ფასი. მერამდენე რეზოლუციაა ნამდვილად ვეღარ ვთვლით. ამ ტექსტში ამოვიკითხავთ ისევ იმ დესტრუქციას, ისევ მბრძანებლურ ტონს, ორმაგ სტანდარტს, სრულიად აბსურდულ, სიცრუეზე დაფუძნებულ გამოგონილ ფაქტებს და აღქმებზე დაფუძნებულ ტყუილებს. სააკაშვილის პარტიის დე ფაქტო წევრი და წევრები მერამდენე რეზოლუციას დააინიციირებენ და განცხადებას გააკეთებენ, ამას ჩვენთვის რისი ფასი აქვს გითხარით.

როდესაც ორმაგ სტანდარტზე ვსაუბრობთ, ერთი მხრივ ისინი გამოდიან და ამბობენ, რომ თურმე, პოლარიზაცია ღუპავს ყველა განვითარებულ ქვეყანას. ამ დროს თავისი ხელით ყველაფერს აკეთებენ, რომ კონკრეტულად ჩვენს ქვეყანაში და დარწმუნებული ვარ, რომ არაერთ ქვეყანაში, რომელიც სურთ, რომ გახდეს პროქსი სახელმწიფო მაქსიმალურად შეუწყონ ხელი პოლარიზაციას, სეგრეგაციას საზოგადოებაში. დაყონ მაქსიმალურად და დაამძიმონ სიტუაცია. ეს ერთ-ერთი პუნქტიც ვიზებთან დაკავშირებით, რომ გარკვეულ თავიანთ აგენტურულ ქსელს შეუნარჩუნდეს უვიზო მიმოსვლა, ხოლო დანარჩენ საზოგადოებას საზოგადოებად რომ არ თვლიან, ჩვენთვის არახალია”, - განაცხადა კირცხალიამ.