ირანის დელეგაცია აშშ-სთან მოლაპარაკებებისთვის შვეიცარიაში ჩავიდა, - ინფორმაციას Reuters-ი ავრცელებს.

ირანის დელეგაცია ქვეყნის პარლამენტის თავმჯდომარის მოჰამედ ბაგერ ღალიბაფის ხელმძღვანელობით გვიან ღამით ციურიხში ჩაფრინდა.

დელეგაციის შემადგენლობაში ირანის საგარეო საქმეთა მინისტრი აბას არაღჩი, ასევე, ირანის უსაფრთხოების, ცენტრალური ბანკისა და ნავთობის სფეროს წარმომადგენლები შედიან.

სავარაუდოდ, დღეს დაგეგმილი მოლაპარაკებები შვეიცარიის კურორტ ბიურგენშტოკში შედგება.

ცნობისთვის, შვეიცარიაში აშშ-ის დელეგაციას ვიცე-პრეზიდენტი ჯეი დი ვენსი უხელმძღვანელებს.