დასაქმების ხელშეწყობის სახელმწიფო სააგენტოს დირექტორის მოადგილის, ხათუნა ცერცვაძის განცხადებით, სააგენტომ 2025 წელს 3500 პირი გადაამზადა და მათი 65% დასაქმდა.

როგორც ხათუნა ცერცვაძემ ეკონომიკური პოლიტიკის და განათლების, მეცნიერებისა და ახალგაზრდულ საქმეთა კომიტეტების ერთობლივ სხდომაზე „დასაქმების პოლიტიკის დაგეგმვისა და განხორციელების 2025 წლის ანგარიშის წარდგენისას განაცხადა, გადამზადებისთვის ყველაზე მოთხოვნადი პროფესიები იყო მომსახურების სფერო, გაყიდვები/ადმინისტრირება, ჯანდაცვამ, სოციალური დახმარება და ესთეტიკის მიმართულება, ასევე მსუბუქი მრეწველობა, ხელოსნობა, დიზაინი, კვების ობიექტები და სტუმარ-მასპინძლობა.

ამასთან, მისივე თქმით, სააგენტომ 2025 წელს 6200 -ზე მეტი ადამიანი დაასაქმა. აქედან, 4500-ზე მეტი ქალია. დასაქმებულთა შორის 2450 სოციალურად დაუცველია, 1578 - ახალგაზრდა, 438 - დევნილი.