საქართველოში სწავლით ყველაზე მეტად ინდოეთის მოქალაქეები ინტერესდებიან.

როგორც საქართველოს შინაგან საქმეთა მინისტრმა, ალექსანდრე დარახველიძემ განაცხადა, სწორედ ინდოეთიდანაა ყველაზე მეტი მსურველი, რომ საქართველოში ჩამოვიდეს და განათლება მიიღოს.

მინისტრის მოადგილე ასევე განმარტავს, რომ ძირითადი მოთხოვნა კერძო უნივერსიტეტებზე მოდის.

„ძირითადად, უფრო მეტი ჩარიცხვა კერძო უნივერსიტეტებში ხდება. ქვეყნებიდან პირველ ადგილზე ინდოეთია. ინდოეთიდანაა ყველაზე მეტი მსურველი, რომ ქვეყანაში ჩამოვიდეს“, - აღნიშნა დარახველიძემ.

ამასთან, მინისტრის მოადგილემ განმარტა, რომ საქართველოში სწავლის სურვილი ამ დროისთვის, 64 765-ს უცხოელს აქვს.

„მომლოდინე, დაახლოებით, 65 000-მდე სტუდენტია, ვისაც სურვილი აქვს, რომ ჩამოვიდეს და ისწავლოს. დღეის მდგომარეობით, ჯამში, სხვადასხვა პროგრამაზე 64 765 სტუდენტია. 35 000 აქვს ბინადრობა, მაგრამ დანარჩენებს აქვთ სურვილი, ჩამოვიდეს და ისწავლოს,“ - განაცხადა დარახველიძემ.