გუშინ ძალიან კარგი დღე იყო, იმას მივაღწიეთ, რაც გვსურდა, - ამის შესახებ აშშ-ის ვიცე-პრეზიდენტმა, ჯეი დი ვენსმა შვეიცარიაში, აშშ-სა და ირანს შორის მოლაპარაკებების შემდეგ გამართულ პრესკონფერენციაზე განაცხადა.

„საბოლოო შეთანხმება სახლია. ჩვენ საძირკველი მოვამზადეთ, სახლი ჯერ არ აგვიშენებია, თუმცა წარმატებით მოვამზადეთ საძირკველი, რომ ამერიკელი ხალხისთვის კარგ შედეგს მივაღწიოთ“, - განაცხადა ჯეი დი ვენსმა.

ვენსის თქმით, შვეიცარიიდან აშშ-ში ბრუნდება, მაგრამ მუშაობას ტექნიკური ჯგუფები გააგრძელებენ.

„ჩვენ გვსურდა, რომ შეგვექმნა სტრუქტურა, რათა შესაბამისი პოლიტიკური ზედამხედველობა ყოფილიყო, მაგრამ, მიუხედავად იმისა, რომ ეს ადგილი ძალიან ლამაზია, აქ 60 დღის განმავლობაში ვერ დავრჩები. ტექნიკური მოლაპარაკებები მომდევნო კვირებისა და დღეების განმავლობაში გაგრძელდება“, - აღნიშნა აშშ-ის ვიცე-პრეზიდენტმა.

ჯეი დი ვენსის ცნობით, ირანი დათანხმდა, რომ ატომური ენერგიის საერთაშორისო სააგენტოს (IAEA) ინსპექტორებს თეირანში დააბრუნებს.

„ეს ამერიკელი ხალხისთვის მნიშვნელოვანი მიღწევაა“, - განაცხადა ვენსმა.