მსურს მადლობა გადავუხადო კირ სტარმერს ფრანგულ-ბრიტანული ურთიერთობების განმტკიცებაში შეტანილი წვლილისთვის, - ასე ეხმაურება საფრანგეთის პრეზიდენტი ემანუელ მაკრონი კირ სტარმერის მიერ დიდი ბრიტანეთის პრემიერ-მინისტრის თანამდებობის დატოვებას.

ემანუელ მაკრონი კირ სტარმერს უკრაინის მხარდამჭერ მსურველთა კოალიციაში შეტანილი წვლილისთვის, ასევე, დიდ ბრიტანეთსა და ევროკავშირს შორის ურთიერთობების განახლებისთვის მადლობას უხდის.

„თავდაცვის, ბირთვული ენერგიის, კოსმოსისა და ინოვაციების სფეროებში ერთობლივი მუშაობა ამ ჩართულობის დასტურია. ჩვენი ხალხისა და ევროპის საკეთილდღეოდ ამ გზაზე სვლას გავაგრძელებთ“, - აცხადებს მაკრონი.

შეგახსენებთ, დღეს კირ სტარმერმა დიდი ბრიტანეთის პრემიერ-მინისტრის თანამდებობიდან გადადგომის შესახებ გამოაცხადა. სტარმერის თქმით, „ლეიბორისტული პარტიის“ ახალი ლიდერისა და პრემიერ-მინისტრის არჩევა შემოდგომამდე მოხდება. სტარმერი ახალი პრემიერ-მინისტრის არჩევამდე თანამდებობაზე დარჩება.