ისრაელის თავდაცვის ძალებს სამხრეთ ლიბანში საფრთხეების წინააღმდეგ მოქმედების სრული თავისუფლება აქვს, - ამის შესახებ ისრაელის თავდაცვის მინისტრმა, ისრაელ კაცმა განაცხადა.

ისრაელ კაცის თქმით, ისრაელის თავდაცვის ძალების ჯარისკაცებსა და მეთაურებს სრული მხარდაჭერა აქვთ როგორც პირადად მისგან, ისე პრემიერ-მინისტრ ბენიამინ ნეთანიაჰუსგან.

„თავდაცვის ძალების ჯარისკაცებს სრული თავისუფლება აქვთ, რომ ყველა სახის საფრთხის წინააღმდეგ იმოქმედონ სამხრეთ ლიბანში, ღაზაში და ყველგან, სადაც ისრაელის სახელმწიფოს დაცვა აუცილებელია“, - განაცხადა ისრაელის თავდაცვის მინისტრმა.

მისი თქმით, ისრაელის თავდაცვის ძალების ჯარისკაცები „ლიბანში უსაფრთხოების ზონაში დარჩებიან“.