აშშ-ის ვიცე-პრეზიდენტმა, ჯეი დი ვენსმა ირანთან მოლაპარაკებების შემდეგ შვეიცარია დატოვა, - ინფორმაციას CNN-ი ავრცელებს.

ჯეი დი ვენსმა შვეიცარიის დატოვებამდე ჟურნალისტებს განუცხადა, რომ მოლაპარაკებებში პროგრესი შეინიშნება.

ასევე, ვენსის თქმით, კატარი ირანის გაყინული აქტივების გამოყენების კონტროლის მექანიზმს შექმნის.

„ჩვენ ვთხოვეთ კატარს, რომ ისინი დაგვეხმარონ ისეთი მექანიზმის შექმნაში, რომელიც მოგვცემს გარანტიას, რომ ფული ზუსტად იმას მოხმარდეს, რაც ჩვენ გვსურს. ისინი ამის გაკეთებას დათანხმდნენ. ეს საკითხი უახლოეს დღეებში მოლაპარაკებების მნიშვნელოვანი ნაწილი იქნება“, - განაცხადა ჯეი დი ვენსმა.