ზაფხულის არდადეგების დაწყებასთან ერთად, „ბიბლუსმა“ მოსწავლეებსა და მათ მშობლებს განსაკუთრებული სიახლე შესთავაზა. წიგნის მაღაზიათა ქსელმა სასკოლო ასაკის ბავშვებისთვის სპეციალური საკითხავი კომპლექტები შექმნა. ისინი ასაკის მიხედვით არის დაყოფილი და აერთიანებს პირველი-მეორე, მესამე-მეოთხე, მეხუთე-მეექვსე, მეშვიდე-მერვე, მეცხრე-მეათე და მეთერთმეტე-მეთორმეტე კლასების მოსწავლეებზე მორგებულ ნაწარმოებებს. წიგნების შერჩევის პროცესში ჩართული იყვნენ ქვეყნის წამყვანი პედაგოგები, რომლებმაც პროფესიონალურად დააკომპლექტეს თითოეული ნაკრები.

როგორც „ბიბლუსში“ განმარტავენ, ეს ინიციატივა მიზნად ისახავს, მშობლებსა და ბავშვებს საზაფხულო საკითხავის შერჩევის პროცესი გაუმარტივოს და მოზარდებს არდადეგების ნაყოფიერად და საინტერესოდ გატარებაში დაეხმაროს. აღსანიშნავია, რომ სპეციალური შეთავაზების ფარგლებში, ნებისმიერი ასაკობრივი კომპლექტის ღირებულება მხოლოდ 49 ლარს შეადგენს. წიგნების ცალ-ცალკე შეძენის შემთხვევაში მათი ღირებულება უფრო მეტია.

შეთავაზების ფარგლებში ბავშვები და მოზარდები საკუთარი ასაკობრივი კატეგორიის შესაბამის წიგნებს შეიძენენ და წაიკითხავენ. ეს კი კითხვის პროცესს უფრო სასიამოვნოსა და ეფექტიანს ხდის.

ზაფხულში კითხვას უდიდესი მნიშვნელობა აქვს ბავშვის გონებრივი და ემოციური განვითარებისთვის. თავისუფალი დროის წიგნებთან გატარება მოზარდს არა მხოლოდ უნარჩუნებს აკადემიურ ჩვევებს და უმდიდრებს ლექსიკურ მარაგს, არამედ უვითარებს ფანტაზიასა და კრიტიკულ აზროვნებას. სწორედ ამიტომ, მნიშვნელოვანია, რომ დასვენების პერიოდში ბავშვს ხელთ ჰქონდეს ისეთი ლიტერატურა, რომელიც მას კითხვის პროცესს შეაყვარებს და მოსაწყენ ვალდებულებად არ უქცევს.

ასაკის შესაბამისად, პროფესიონალების მიერ შერჩეული ეს ლიტერატურული კრებულები საუკეთესო საჩუქარია, რომლის გაკეთებაც საკუთარი შვილის, შვილიშვილისა თუ ახლობლებისთვის შეგიძლიათ. კომპლექტების შეძენა შესაძლებელია „ბიბლუსის“ ფილიალებში მთელი საქართველოს მასშტაბით, ონლაინ ან ქოლცენტრის მეშვეობით ნომერზე 032 248 68 44.

(R)