მასუდ პეზეშკიანი და აბას არაღჩი პაკისტანში ჩავიდნენ
ირანის პრეზიდენტი მასუდ პეზეშკიანი და საგარეო საქმეთა მინისტრი აბას არაღჩი პაკისტანის დედაქალაქ ისლამაბადში ჩავიდნენ, - ინფორმაციას CNN-ი ავრცელებს.
ტელეკომპანიის ცნობით, ირანის დელეგაციას პაკისტანის პრეზიდენტი ასიფ ალი ზარდარი, პრემიერ-მინისტრი შეჰბაზ შარიფი და რამდენიმე მინისტრი დახვდნენ.
„პაკისტანსა და ირანს ძლიერი ძმური კავშირები აკავშირებთ, რომლებიც ღრმად ფესვგადგმულია ისტორიაში, რწმენასა და კულტურაში. პაკისტანის ხელმძღვანელობა და ხალხი თბილად მიესალმება საგარეო საქმეთა მინისტრ არაღჩის და ირანის დელეგაციას ისლამაბადში“, - აღნიშნულია პაკისტანის საგარეო საქმეთა სამინისტროს განცხადებაში.
შეგახსენებთ, გუშინ პაკისტანმა და კატარმა ერთობლივი განცხადება გაავრცელეს, რომელშიც აღნიშნულია, რომ შვეიცარიაში აშშ-ირანის სამიტი დადებით და კონსტრუქციულ ატმოსფეროში ჩატარდა. მიღწეულია იმედისმომცემი პროგრესი, მათ შორის შემდგომი ტექნიკური მოლაპარაკებების მექანიზმის შექმნის კუთხით.
