„ევროპის უნივერსიტეტის" სამართლის, ჰუმანიტარულ და სოციალურ მეცნიერებათა ფაკულტეტის ორგანიზებით საჯარო ლექცია თემაზე - "როგორ გავხდე ადვოკატი" გაიმართა. ამის შესახებ "ევროპის უნივერსიტეტი" ავრცელებს.

მათი ცნობით, ღონისძიება მისასალმებელი სიტყვით „ევროპის უნივერსიტეტის" რექტორმა ნინო ტალიაშვილმა გახსნა. საჯარო ლექციას „საქართველოს ადვოკატთა ასოციაციის" თავმჯდომარე, სამართლის დოქტორი ირაკლი ყანდაშვილი უძღვებოდა.

„მომხსენებელმა მონაწილეებს ადვოკატის პროფესიის სპეციფიკა, პროფესიული განვითარების ეტაპები, ადვოკატთა საკვალიფიკაციო გამოცდის მნიშვნელობა, ეთიკური სტანდარტები და ის პრაქტიკული უნარები გააცნო, რომლებიც იურისტისთვის წარმატებული კარიერის ჩამოყალიბებაში გადამწყვეტ როლს ასრულებს.

ლექციას „ევროპის უნივერსიტეტის" სამართლის, ჰუმანიტარულ და სოციალურ მეცნიერებათა ფაკულტეტის სტუდენტები ესწრებოდნენ.

მათ შესაძლებლობა ჰქონდათ გასცნობოდნენ პროფესიასთან დაკავშირებულ თანამედროვე გამოწვევებსა და შესაძლებლობებს.

შეხვედრას ასევე დაესწრნენ „ევროპის უნივერსიტეტის" ვიცე-რექტორი რაულ ქირია, სამართლის, ჰუმანიტარულ და სოციალურ მეცნიერებათა ფაკულტეტის დეკანი ეკა კაველიძე და სამართლის საბაკალავრო პროგრამის ხელმძღვანელი ლევან მესხორაძე“,- ნათქვამია ინფორმაციაში.