ერთი მსოფლიო ჩემპიონატია გასართობი და მეორე ამ „კარენოი“ „ნაცების“ და ახალი „ნაცების“ დაპირისპირება - საგიჟეთი აქვთ, სახალისოა, - ამის შესახებ პარლამენტის დიასპორის საკითხთა კომიტეტის თავმჯდომარემ, ირაკლი ზარქუამ ჟურნალისტებთან განაცხადა.

მისივე თქმით, საქართველოს მესამე პრეზიდენტმა, მიხეილ სააკაშვილმა ფსონი ნანუკა ჟორჟოლიანზე დადო და თინა ბოკუჩავა „ჩააჩოჩა“.

„ერთი მსოფლიო ჩემპიონატია გასართობი და მეორე ამ „კარენოი“ „ნაცების“ და ახალი „ნაცების“ დაპირისპირება. საგიჟეთი აქვთ. ძველები აჯანყდნენ, „ჩვენ არ გვეძლევა საშუალება, რომ თავი გამოვიჩინოთ ბელადის კარზეო“. ბელადი თან ახალზე დებს ფსონს, ახალი სახე ნანულა შემოიყვანა პოლიტიკაში და ჩემი „ბოკუ“ ჩააჩოჩა. საწყენია. ბოკუჩავას რაც შეეძლო, აკეთებდა. რაც არ შეუძლია რატომ უნდა მოსთხოვო ამ ქალბატონს?! განცხადებებს აკეთებდა?! აკეთებდა. დადიოდა და აშავებს ჩვენს ქვეყანას?! აშავებდა. ბრალს დებდა არასწორად ჩვენს ლიდერებს?! ბრალს დებდა. ამას აკეთებენ დანარჩენი „ნაცებიც“ და რატომ დაიწუნეს ვერ ვხვდები.

ჩვენთვის ნაკლებად საინტერესოა, ამ რადიკალებში და უცხო ქვეყნის დაფინანსებულ ორგანიზაციებში რა პროცესი მიმდინარეობს, უბრალოდ სახალისოა. ასე დაემართება ყველა იმ ჯგუფს, „ფანჩატურს“, რომელიც გაერთიანებულია უცხო ქვეყნის დაკვეთით“, - განაცხადა ზარქუამ.