პარტია „გახარია საქართველოსთვის“ წევრის, ბელა მოსიას განცხადებით, საქართველოში ვიზიტად მყოფ ევროსაბჭოს ადგილობრივ და რეგიონულ ხელისუფლებათა კონგრესის მონიტორინგის მისიის წევრებს შეხვდა
პარტია „გახარია საქართველოსთვის“ წევრის, ბელა მოსიას განცხადებით, საქართველოში ვიზიტად მყოფ, ევროსაბჭოს ადგილობრივ და რეგიონულ ხელისუფლებათა კონგრესის მონიტორინგის მისიის წევრებს შეხვდა.
მისი განმარტებით, შეხვედრაზე ყურადღება გაამახვილა ოპოზიციის წარმომადგენლების მიმართ ზეწოლის პრაქტიკაზე და იმ გამოწვევებზე, რომლებიც ადგილობრივ დონეზე დემოკრატიულ მმართველობასა და პოლიტიკური პლურალიზმის უზრუნველყოფას უქმნის საფრთხეს.
„დღეს, როგორც პარტია „გახარია საქართველოსთვის“ დელეგატი ევროსაბჭოს ადგილობრივ და რეგიონულ ხელისუფლებათა კონგრესში, შევხვდი კონგრესის მონიტორინგის მისიის წევრებს, რომლებიც 23–25 ივნისს საქართველოში ადგილობრივი თვითმმართველობის ევროპული ქარტიის შესრულების შესაფასებლად იმყოფებიან.
შეხვედრაზე ყურადღება გავამახვილე ადგილობრივი თვითმმართველობის სისტემის მზარდ პოლიტიზაციაზე, ოპოზიციის წარმომადგენლების მიმართ ზეწოლის პრაქტიკასა და იმ გამოწვევებზე, რომლებიც ადგილობრივ დონეზე დემოკრატიულ მმართველობასა და პოლიტიკური პლურალიზმის უზრუნველყოფას უქმნის საფრთხეს.
კონგრესის მონიტორინგის პროცესი ევროსაბჭოს ყველა წევრ სახელმწიფოში, პერიოდულად ტარდება და მიზნად ისახავს იმის შეფასებას, თუ რამდენად სრულად და ეფექტიანად ასრულებს ქვეყანა ადგილობრივი თვითმმართველობის ევროპული ქარტიით ნაკისრ ვალდებულებებს“, - წერს ბელა მოსია „ფეისბუქზე“.
