კარგი იქნება, თუ ვინმეს დანაშაულის შესახებ რაიმე ინფორმაცია აქვს, მოგვაწოდოს. რა თქმა უნდა, მადლობელი ვიქნებით, - ამის შესახებ გენერალურმა პროკურორმა გიორგი გვარაკიძემ პარლამენტის იურიდიულ საკითხზე განაცხადა, როდესაც უპასუხა დეპუტატ დაჯი კოვზირიძის კითხვას „ქოლ ცენტრებთან“ დაკავშირებით.

როგორც გიორგი გვარაკიძემ აღნიშნა, გენერალურმა პროკურატურამ „ქოლ ცენტრების“ ორგანიზებასთან დაკავშირებით 2025 წელს 11 პირი მისცა პასუხისგებაში.

„რაც შეეხება „ქოლ ცენტრებს“, რა თქმა უნდა, პრობლემური საკითხია. ჩვენ წარმოებაში გვაქვს არაერთი სისხლის სამართლის საქმე, რომელზეც გამოძიება მიმდინარეობს. დეტალებში ვერ შევალ, ვიძიებთ და არ არის საჭირო რაღაც კონკრეტული დეტალები ვთქვათ, მაგრამ რომ იცოდეთ, 2025 წელს 11 პირი არის მიცემული პასუხისგებაში „ქოლ ცენტრების“ ორგანიზებასთან დაკავშირებით“- განაცხადა გიორგი გვარაკიძემ.

ცნობისთვის, პარტია „გახარია- საქართველოსთვის“ წევრმა, იურიდიულ საკითხთა კომიტეტზე გენერალურ პროკურორს კითხვა დაუსვა, ე.წ. ქოლ ცენტრები დღეს საქართველოში ძალიან ბევრია და რატომ არ იძიებენ.

„ბატონო გიორგი [გვარაკიძე], ძალიან მოკლე და კონკრეტული კითხვა მინდა დაგისვათ. მე შვილები მყავს 20-25 წლის ასაკის და ასე, ამბები მოდის ხოლმე, რომ მათი საახლობლო, მათი სამეგობრო, ნაცნობები მუშაობენ „ქოლ ცენტრებში“. „ქოლ ცენტრები“ დღეს საქართველოში ძალიან ბევრია, რატომ არ იძიებთ?- განაცხადა კოვზირიძემ.