ვხედავთ, რომ ხდება ჩვენი ისტორიული ტერიტორიის, სამაჩაბლოს ანექსია და ამ ფონზე, ხელისუფლების დუმილს - პარალელურად ვხედავთ, რომ გიორგი გახარიას ჩორჩანაში, პოლიციის საგუშაგოს ჩადგმაზე ბრალი აქვს წარდგენილი. გთხოვთ, გვიპასუხოთ, ემსახურება, თუ არა ეს ეროვნულ ინტერესებს?- ამ შეკითხვით მიმართა პარტია „გახარია საქართველოსთვის“ დეპუტატმა, გიგა ფარულავამ პარლამენტში გენერალურ პროკურორს, გიორგი გვარაკიძეს, რომელიც წლიურ ანგარიშს წარადგენს.

„ჩორჩანას საქმესთან დაკავშირებით, როდესაც დღეს ვხედავთ იმ ანექსიას, რაც განსაკუთრებით, 9 მაისს კონკრეტული სამართლებრივი აქტის მიღების შემდეგ ხდება, ფაქტობრივად, ხდება ჩვენი ისტორიული ტერიტორიის, სამაჩაბლოს ანექსია. ამ ფონზე ვხედავთ, ხელისუფლების დუმილს და ამის პარალელურად, ჩვენ ვხედავთ, რომ გიორგი გახარიას ჩორჩანაში, საქართველოს ტერიტორიაზე, პოლიციის საგუშაგოს ჩადგმაზე აქვს წარდგენილი ბრალი. გთხოვთ, გვიპასუხოთ, რამდენად სწორად მიგაჩნიათ და როგორ მიგაჩნიათ, ეს ემსახურება თუ არა ეროვნულ ინტერესებს განსაკუთრებით მაშინ, რაც ხდება დღეს საერთაშორისო გლობალური პროცესების ფარგლებში, მათ შორის რუსეთის ფედერაციაში არსებულ ვითარებასთან მიმართებაში“- განაცხადა ფარულავამ.