ენდი ბერნჰემი დიდი ბრიტანეთის “ლეიბორისტული პარტიის” ლიდერად შესაძლოა 17 ივლისს დასახელდეს.

ამის შესახებ ინფორმაციას ბრიტანული მედია ავრცელებს.

მათი ინფორმაციით, “ლეიბორისტული პარტიის” ეროვნულმა აღმასრულებელმა კომიტეტმა ცოტა ხნის წინ ლონდონში შეხვედრა გამართა.

კერძოდ, კომიტეტი, რომელშიც პარლამენტის წევრები, პროფკავშირების და რეგიონული ფილიალების წარმომადგენლები შედიან, შეიკრიბა, რათა შეთანხმებულიყო “ლეიბორისტული პარტიის” ლიდერობის კანდიდატის არჩევის ვადებზე კირ სტარმერის ჩასანაცვლებლად.

არსებული ინფორმაციით, ისინი შეთანხმდნენ, რომ თუ ლიდერის პოზიციაზე მხოლოდ ერთი კანდიდატი იქნება ნომინირებული, მისი ვინაობა 17 ივლისს სპეციალურ კონფერენციაზე გამოცხადდება. ვინაიდან ბერნჰემი ერთადერთი რეალისტური კანდიდატია, რომელსაც კენჭისყრისთვის მხარდაჭერა აქვს, სავარაუდოდ, ამ თარიღში პარტიის ლიდერად ის იქნება დანიშნული.