არსებობს ხმები, რომლებიც ადამიანებში სხვადასხვა ემოციას იწვევენ. ზოგისთვის ეს უბრალოდ ხმაა, ზოგისთვის კი - სტომატოლოგთან ვიზიტის, შფოთვისა და უსიამოვნო გამოცდილების ასოციაცია.

სწორედ ამიტომ, „ბლიც დენტალში“ გადავწყვიტეთ, ამ ხმებისთვის სრულიად ახალი მნიშვნელობა მიგვენიჭებინა.

ჯერ პროფესიონალმა სტომატოლოგიური ინსტრუმენტების ხმებისგან შექმნა მუსიკა და დავიწყეთ საინფორმაციო კამპანია - დენტოფობიის წინააღმდეგ, გზავნილით:

„ზოგჯერ შიში მხოლოდ ხმაა, ეს ხმები კი ქმნიან თავდაჯერებულ ღიმილს.“

ეს კამპანიაზე მეტია - ყოველდღიურ პრაქტიკაზე დაფუძნებული გზავნილია, რომელსაც ჩვენს კლინიკაში ხშირად ვაწყდებით.

როდესაც შიში მკურნალობაზე ძლიერია

არაერთი ადამიანი სტომატოლოგთან ვიზიტს მხოლოდ ერთი მიზეზით აჭიანურებს იმიტომ, რომ მხოლოდ ეშინია.

ზოგისთვის ეს შიში ბავშვობის არასასიამოვნო გამოცდილებას უკავშირდება, ზოგისთვის - სხვებისგან მოსმენილ ისტორიებს, ზოგისთვის კი ყველაზე ძლიერი ემოციური ფაქტორი სტომატოლოგიური ინსტრუმენტების ხმაა.

დენტოფობია არამხოლოდ დისკომფორტი, არამედ ხშირი მიზეზი, რის გამოც ადამიანი დროულად არ იწყებს მკურნალობას. პრობლემები კი დროთა განმავლობაში უფრო რთულ და მასშტაბურ ჩარევას საჭიროებს.

კვლევებიც აჩვენებს, რომ სტომატოლოგიური შიში ანუ დენტოფობია,მსოფლიოში ერთ-ერთი ყველაზე გავრცელებული ფობიაა და მილიონობით ადამიანს აფერხებს.

როდესაც ხმები მუსიკად იქცევა

ჩვენ არ შეგვიცვლია სტომატოლოგიური ხმები.

პირიქით - ისინი მუსიკის ნაწილად ვაქციეთ.

იმ ხმებს, რომლებიც ბევრისთვის შფოთვას იწვევს, ახალი ემოციური დატვირთვა შევძინეთ. კამპანია გვახსენებს, რომ ხშირად პრობლემა ინსტრუმენტების ხმაში კი არ არის - არამედ იმ ასოციაციაში, რომელსაც ის იწვევს, არადა სინი ქმნიან ჯანმრთელ კბილებს, კომფორტს, ღიმილს და გძენენ თავდაჯერებულობას.

ამ იდეას აერთიანებს ჩვენი მთავარი გზავნილიც:

„ზოგჯერ შიში მხოლოდ ხმაა, ეს ხმები კი ქმნიან თავდაჯერებულ ღიმილს.“

იხილეთ კამპანია აქ