საგარეო საქმეთა სამინისტროს ცნობით, დუბროვნიკის ფორუმის ფარგლებში, საქართველოს ვიცე-პრემიერი, საგარეო საქმეთა მინისტრი მაკა ბოჭორიშვილი ეუთო-ს გენერალურ მდივანს ფერიდუნ სინირლიოღლუს შეხვდა.

მათივე ინფორმაციით, შეხვედრაზე საუბარი შეეხო ორგანიზაციის ფარგლებში თანამშრომლობის საკითხებსა და ეუთოს მომავალი თავმჯდომარეობისთვის საქართველოს კანდიდატურის პერსპექტივებს.

„მხარეებმა განიხილეს რეგიონში არსებული ვითარება, უსაფრთხოების გამოწვევები და თანამშრომლობის გზები.

მაკა ბოჭორიშვილმა ხაზი გაუსვა ეუთო-ს ფარგლებში თანამშრომლობის და ჩართულობის მნიშვნელობას“,- აღნიშნულია ინფორმაციაში.