პარლამენტში სასწრაფო დახმარების ბრიგადა იმყოფებოდა
პარლამენტში პარტია „გახარია საქართველოსთვის” წევრებმა სასწრაფო სამედიცინო დახმარება გამოიძახეს. მათი განცხადებით, სასწრაფო დახმარება დასჭირდა მათ შორის დეპუტატ გიგა ფარულავას.
ფრაქციის კაბინეტში სასწრაფო სამედიცინო დახმარების ბრიგადა გარკვეული დროის განმავლობაში იმყოფებოდა.
როგორც „გახარია საქართველოსთვის“ დეპუტატები აცხადებენ, ყველა დეპუტატის მდგომარეობა ამ დროისთვის სტაბილურია.
სასწრაფო სამედიცინო დახმარების გამოძახება პარლამენტში მას შემდეგ გახდა საჭირო, რაც პარლამენტის სხდომათა დარბაზში სიტყვიერი და ფიზიკური დაპირისპირება მოხდა. ერთმანეთს ფიზიკურად დაუპირისპირდნენ „გახარია საქართველოსთვის“ დეპუტატები და „ქართული ოცნების“ წევრები.
