„თავისუფლება რეჟიმის ტყვეებს“ - ამ ლოზუნგით საქართველოს საკონსტიტუციო სასამართლოს შენობასთან, მოქალაქეები ტრადიციულ საპროტესტო აქციას მართავენ. მათ სიმბოლურად საქართველოს, ევროკავშირის და უკრაინის დროშები გამოფინეს. მათი თქმით, ქვეყანაში დიქტატურაა დამყარებული და მოქალაქეთა დასაშინებლად, ყველაფერს აკეთებენ.

აქციის მონაწილეები, საქართველოს პარლამენტში დეპუტატებს შორის ფიზიკურ დაპირისპირების ფაქტს ეხმაურებიან.

„ლაშა ტალახაძე ჩარჩოებიდან თუ გამოვიდოდა, არ გვეგონა. სპორტსმენმა არ უნდა დაჩაგროს მასზე სუსტი, ეს ხომ ყველასათვის ცნობილია. იმდენად სიბინძურეში გადავიდა „ქართული ოცნება“, რომ ამ ყველაფერს მოქალაქეთა დასაშინებლად იყენებენ“, - აღნიშნა აქციის ერთ-ერთმა მონაწილემ.