URC 2026 კონფერენციის შედეგად უკრაინისთვის 10 მილიარდ ევროზე მეტი ოდენობის 160 შეთანხმება გვაქვს, - ამის შესახებ უკრაინის პრეზიდენტმა, ვოლოდიმირ ზელენსკიმ ვიდეომიმართვაში განაცხადა.

მისი თქმით, გდანსკის კონფერენციის შედეგები პრემიერ-მინისტრ იულია სვირიდენკოსთან განიხილა.

„განვიხილეთ მიღწეული შეთანხმებები: უკრაინისთვის 160-ზე მეტი შეთანხმებაა გაფორმებული, რომელთა საერთო ოდენობა 10 მილიარდ ევროზე მეტს შეადგენს“, - განაცხადა ზელენსკიმ.

მისი თქმით, მნიშვნელოვანი მიმართულებები ენერგეტიკა და რეგიონების აღდგენაა.

ცნობისთვის, უკრაინის აღდგენის საკითხებზე კონფერენცია (URC 2026) 25-26 ივნისს, ქალაქ გდანსკში უკრაინისა და პოლონეთის ერთობლივი ორგანიზებით გაიმართა.