სლოვაკეთის პრემიერ-მინისტრი, რობერტ ფიცო ნატოს-სგან უკრაინისთვის მრავალმილიარდიან დახმარებას “მესამე მსოფლიო ომის” შიშით ეწინააღმდეგება.

რობერტ ფიცოს შესაბამის განცხადებებს სლოვაკური მედია ავრცელებს.

ფიცოს თქმით, ის ეწინააღმდეგება ნატო-ს გეგმებს, რომლებიც 7-8 ივლისს ანკარას სამიტზე იქნება განხილული და რომლებიც უკრაინისთვის მრავალმილიარდიანი ფინანსური დახმარების მიწოდებას ეხება.

სლოვაკეთის პრემიერ-მინისტრმა ეს დახმარება როგორც “მასშტაბური” დაახასიათა და განაცხადა, რომ შემდეგი კვირის განმავლობაში ის ამ საკითხთან დაკავშირებით უმაღლეს თანამდებობის პირებთან შეხვედრას გამართავს თავდაცვის მინისტრ, რობერტ კანილაკის მონაწილეობით.

ფიცოს თქმით, ის მოლაპარაკებების წარმოებას ისეთი ფორმით აპირებს, რომ სლოვაკეთის დელეგაცია სამიტზე “შემდგომ სამხედრო სესხებში და ფინანსურ შენატანებში სლოვაკეთის ჩართვის” მანდატის გარეშე გაემგზავროს. მან ასევე აღნიშნა, რომ არ შეუძლია სხვა ქვეყნებს შეუშალოს ხელი, რომლებსაც “ომისთვის მომზადება სურთ”.

“იცით რა შეიძლება მოხდეს? არ დრონი შემოფრინდება, ნებსით თუ უნებლიეთ, საცხოვრებელ სახლს დაეცემა, იქნებიან დაღუპულები და დაშავებულები, და ჩვენს დღის წესრიგში შესაძლოა მესამე მსოფლიო ომი აღმოჩნდეს. ამიტომ, სლოვაკეთის სახელით ვაცხადებ: არანაირი მხარდაჭერა ომს, სლოვაკეთი არ გადაიხდის უკრაინის სამხედრო ხარჯებს,” - განაცხადა ფიცომ.