"კოალიცია ცვლილებისთვის" ერთ- ერთი ლიდერის, პატიმრობაში მყოფი ოპოზიციონერის, ელენე ხოშტარიას მკურნალი ექიმი, რევმატოლოგი მაკა იოსელიანი აცხადებს, რომ პაციენტს დილით კვლავ მოინახულებენ, რის შემდეგაც პენიტენციურ სამსახურში კიდევ ერთი შეხვედრა შედგება.

ამის შესახებ ელენე ხოშტარიას ექიმის, “კოალიცია ცვლილებისთვის” წევრის, ანი ქავთარაძისა და პენიტენციური სამსახურის დირექტორის გიორგი პატარიძის შეხვედრის შემდეგ ექიმმა მაკა იოსელიანმა განაცხადა.

მისი თქმით, შეხვედრაზე იყო ხანგრძლივი საუბარი, ექიმი აცხადებს, რომ ელენე ხოშტარიას დიაგნოზიდან გამომდინარე პათოლოგია საჭიროებს ადეკვატურ მკურნალობას.

"იყო ხანგრძლივი საუბარი. დაწვრილებით საუბარი იყო ქალბატონი ელენეს მდგომარეობაზე.რატომ შეიცვალა დიაგნოზი, რა საფუძველზე შეიცვალა დიაგნოზი. რა სჭირდება პაციენტს იმისთვის, რომ ჩაუტარდეს ადეკვატური მკურნალობა. შევთანხმდით, რომ დილით შევალთ პაციენტთან და 14:00 საათზე, ისევ ამ დაწესებულებაში შევხვდებით დეტალურად დასაზუსტებლად, თუ რა არის აუცილებელი, რომ პაციენტი ელენე ხოშტარია იყოს კარგად", - განაცხდა ექიმმა და დასძინა, რომ "პათოლოგია საჭიროებს ადეკვატურ მკურნალობას".