პაკისტანმა ავღანეთის საზღვრის გასწვრივ მდებარე პროვინციებში საჰაერო დარტყმები განახორციელა და სახმელეთო ჯარები გაგზავნა, რის შედეგადაც ათობით ადამიანი დაიღუპა, - BBC-ის ინფორმაციით, ამის შესახებ „თალიბანის“ მთავრობის ოფიციალური პირებმა განაცხადეს.

„თალიბანის“ წარმომადგენლების განცხადებით, სულ მცირე 100 ადამიანი დაიღუპა ან დაიჭრა, მათ შორის მშვიდობიანი მოქალაქეები.

პაკისტანის ინფორმაციის მინისტრმა ათაულა ტარარმა განაცხადა, რომ 29 მებრძოლი დაიღუპა მათი სამალავი ადგილების დაბომბვის შედეგად და დასძინა, რომ დარტყმები იყო პასუხი „უდანაშაულო ადამიანების წინააღმდეგ ბოლო დროს განხორციელებულ ტერორისტულ თავდასხმებზე“.

ცნობისთვის, პაკისტანი ავღანეთს იმ ტერორისტების შეფარებაში ადანაშაულებს, რომლებიც ქვეყნის ტერიტორიაზე თავდასხმებს ახორციელებენ. „თალიბანის“ მთავრობა ამ ბრალდებას უარყოფს.