ჩვენ ვიცით, რომ დღეს საქართველოს ჰყავს დე ფაქტო ხელისუფლება, რომელიც დაცლილია ქრისტიანული, სახარებისეული ღირებულებებისგან, ამიტომ არ გვიკვირს, როგორც იქცევიან ელენე ხოშტარიასთან დაკავშირებით, - ამის შესახებ “ნაციონალური მოძრაობის” ერთ-ერთმა ლიდერმა, ლევან სანიკიძემ ჟურნალისტებს სპეციალურ პენიტენციურ სამსახურთან განუცხადა, სადაც ის სხვა პოლიტიკოსებთან ერთად იმყოფება.

მისი თქმით, პირველი მოთხოვნაა, სასწრაფოდ გაეწიოს შესაბამისი მკურნალობა”დროას” მსჯავრდებულ ლიდერს, ელენე ხოშტარიას.

“ჩვენ ვიცით, რომ დღეს საქართველოს ჰყავს დე ფაქტო ხელისუფლება, რომელიც დაცლილია ქრისტიანული ღირებულებებისგან, სახარებისეული ღირებულებებისგან, არაჰუმანური ქმედებებით არის გამორჩეული. მათ აქვთ პოლიტიკა, რომელიც არ ითვალისწინებს ადამიანის უფლებების დაცვას, ამიტომ არ გვიკვირს, როგორც იქცევიან ელენე ხოშტარიასთან დაკავშირებით. ელენე არის გამორჩეული ლიდერი, ადამიანი, რომლის გატეხვაც ამ წლების განმავლობაში ვერ შეძლო ხელისუფლებამ და მათ აქვთ ძალიან მცდარი პოზიცია, რომ ამ არაჰუმანური ქმედებით შეუძლიათ ელენეს რამე დააკლონ. რა თქმა უნდა, ჩვენი პირველადი მოთხოვნა არის ის, რომ სასწრაფოდ გაეწიოს ელენეს შესაბამისი სამედიცინო დახმარება, მაგრამ უმთავრეს მოთხოვნად რჩება მისი დაუყოვნებლივი გათავისუფლება”, - განაცხადა სანიკიძემ.

ცნობისთვის, სპეციალური პენიტენციური სამსახურის შენობასთან იმყოფებიან ოპოზიციონერი პოლიტიკისები და ელენე ხოშტარიას მხარდამჭერები.