ტურისტული სეზონის დაწყებასთან ერთად საქალაქთაშორისო ტრანსპორტის ბილეთების ონლაინ შეძენა კიდევ უფრო მარტივი გახდა. TKT.GE-მ ქვეყნის სატრანსპორტო ბაზარზე ახალი სტანდარტი შექმნა და ერთ სივრცეში მოაქცია მატარებლის, ავტობუსის, სამარშრუტო ტაქსებისა და ტრანსფერების ბილეთები.

დღემდე საქართველოში არ არსებობდა ერთიანი სისტემა, სადაც მომხმარებელი შეძლებდა სხვადასხვა ტიპის ტრანსპორტის შეთავაზებების ერთდროულად მოძიებასა და შედარებას. საჭირო იყო რამდენიმე ვებგვერდზე შესვლა, სხვადასხვა განრიგის გადამოწმება და ცალკეული ბილეთების შეძენა.

TKT.GE-მ ეს პროცესი გაამარტივა და შექმნა სატრანსპორტო ჰაბი, რომელიც აერთიანებს ბაზარზე მოქმედ 10-ზე მეტ პროვაიდერს, მათ შორის საქართველოს რკინიგზას და ქვეყნის წამყვან ავტოსადგურებს. შედეგად, მომხმარებელს შეუძლია ერთ სივრცეში მოიძიოს და შეიძინოს სასურველი ბილეთი.

TKT.GE-ის სატრანსპორტო ჰაბი საქართველოს მიმართულებების სრულად ფარავს. პლატფორმა მომხმარებლებს საშუალებას აძლევს, რეალურ დროში მიიღონ ინფორმაცია სხვადასხვა მიმართულების, განრიგისა და ფასების შესახებ. საიტის დახმარებით შესაძლებელია:

• მატარებლის ბილეთების ონლაინ შეძენა;
• ავტობუსის ბილეთების ონლაინ შეძენა;
• სამარშრუტო ტაქსების განრიგის ნახვა;
• ტრანსფერების მოძიება და შეძენა;
• სხვადასხვა სატრანსპორტო საშუალებისა და კომპანიების არჩევა.

ბილეთების შეძენა რამდენიმე წუთში, ერთიანი გადახდის სისტემის გამოყენებით ხდება.

TKT.GE განაგრძობს განვითარებას და გეგმავს როგორც ახალი ფუნქციონალის დამატებას, ისე პარტნიორი კომპანიების ქსელის გაფართოებას. ეს მომხმარებლებს მისცემს მეტ შესაძლებლობას, სწრაფად და კომფორტულად შეიძინონ ტრანსპორტის ბილეთები ონლაინ, დაგეგმონ მოგზაურობა და ისარგებლონ ერთიანი სატრანსპორტო ეკოსისტემით.

TKT.GE საქართველოში ყველაზე დიდი ტექნოლოგიური ეკოსტისტემის ,,თინეთის” ქოლგის ქვეშ შემავალი კომპანიაა. ,,თინეთი” 10 ციფრულ პლატფორმას, ასევე 5 მობილურ აპლიკაციას აერთიანებს და თვეში 2 მილიონზე მეტი მომხმარებელი ჰყავს.

(R)