“თავისუფლება რეჟიმის ტყვეებს”, - ამ ლოზუნგით საქართველოს საკონსტიტუციო სასამართლოს შენობასთან ტრადიციული საპროტესტო აქცია მიმდინარეობს.

აქციის მონაწილეები, ბოლო პერიოდში სასამართლოს მიერ მიღებულ გადაწყვეტილებებს გამოეხმაურნენ. მათი თქმით, სასამართლო მოქალაქეებს უსამართლოდ აჯარიმებს.

აქციის მონაწილეებმა სიმბოლურად ევროკავშირისა და საქართველოს დროშები გამოფინეს.

შეკრებილები ქვეყნის ევროპული ინტეგრაციის პროცესის დაჩქარებას და სხვადასხვა საპროტესტო აქციის დროს დაკავებულთა გათავისუფლებას მოითხოვენ.

აქციის მონაწილეების თქმით, საჯარო სამსახურებიდან ათავისუფლებენ პროევროპული განწყობის მოქალაქეებს.

ამასთან, აქციის მონაწილეები აცხადებენ, რომ „რუსეთის დასუსტება, ბიძინა ივანიშვილის ძალაუფლების შესუსტებას ნიშნავს“.